CAGAYAN DE ORO CITY – Giakusahan sa militar nga ang rebeldeng New People’s Army o NPA ang nakapatay sa 23 anyos nga sibilyan diha sa Sitio Spring,Barangay Kawayan,San Fernando,Bukidnon.
Kini human nagka-engkuwentro ang tropa sa 403rd Infantry Brigade ug bana-banang 20 ka rebelde sa maong dapit.
Giila ni 403rd Infantry Brigade commander Lt Col Ferdinand Barandon ang biktima na si Jerson Blansa,ulitawo nga anak sa brgy kapitan sa maong lungsod.
Dugang ni Barandon nga naligo ang biktima sa sapa dihang kalit gika-engkuwentro sa iyang tropa ang mga rebelde.
Nagtoo usab ang opisyal nga daghan ang samaron sa mga rebelde tungod sa mga lama sa dugo ug pagka-rekober sa M-16 rifle sa encounter site.
