CAGAYAN DE ORO CITY-Nangayo karo’g pasaylo ang ulitawo sa pamilya sa babaye nga iyang gikasabot sa pagtagay unta sa kalipay sulod sa King Williams Inn diha sa Divisoria ning syudad.
Kini human giingong giatake sa gihambin nga hubak ang biktima nga si Mae Aveles,33 anyos,minyo ug nagpuyo sa Brgy Lumbia sa syudad.
Gibutyag sa gikauban niini nga lalaki nga si Mebert Quezon,28 anyos,sidecar driver nga kamulo sila nga nagpainit sa ilang lawas sa dihang kalit mitukar ang hubak sa biktima.
Namugos si Quezon nga mitukar ang hubak sa biktima tungod sa kabugnaw sa aircon sulod sa kuwarto nga ilang gisak-an.
Gani,nakapalit pa kini’g haplas aron unta tabangon ang biktima apan pag-abot sa city hospital ang deklarado na kini sa mga doktor nga namatay
na.
Samtang ipaubos sa otopsiya ang patay’ng lawas sa ginang nga giingong giatake sa sakit nga hubak samtang nakig-uban sa gikasabot nga lalaki sulod sa lodging house diha sa Divisoria ning syudad.
Kini sa tuyo nga masuta kon unsa’y tinood nga hinungdan sa kamatayon sa biktima nga si Aveles nga taga-Brgy Lumbia sa dakbayan.
Gibutyag ni Sr/Insp Glenn Abalde,hepe sa Divisoria Police Station nga magpabiling person of interest una si Quezon samtang gihulat ang resulta sa otopsiya sa lawas sa biktima.
Dili mag-uyab ang duruha apan nagkasabot nga manulod sa lodging house sa miaging adlaw.
