CAGAYAN DE ORO CITY – Nag-unang gipangayo sa simbahan nga unta ihatag sa Itom nga Nazareno ang malinawon nga pagsaulog sa iyang pista ning syudad sa Enero 9.
Kini ang pangaliyupo ni Msgr Perseus Cabunoc,kura paroko sa Jesus Nazareno Parish dihang mihatag sila sa final security briefing sa media alang sa maong kalihukan ning semanaha
Miingon si Cabunoc nga kon alanganin ang panglawas sa mga deboto,dili lang ipugos pagpaduol sa prosesyon aron kalikayan nga mahasol ug makamugna’g pagkabalda sa traslacion.
Gilauman ang libuang mga deboto nga moubna sa prosesyon sugod sa alas 5:00 sa kadlawon sa petsa 9 ning bulana.
Samtang ipatuman sa Cagayan de Oro City Police Office o COCPO ang signal jamming sa pasugod sa santos nga misa sa Sr San Agustin Cathedral hangtod sa e-prosesyon ang Itom nga Nazareno nga pistahan sa Enero 9.
Miingon si Lt .Col. Nerfe Valmoria,deputy city director for operations nga ipaubos usab nila sa sanitasyon ang duha ka simbahan ug ang mga rota niini nga agian.
Miingon si Valmoria nga ikatag usab nila ang pipila ka snippers ug sniffing dogs aron pagsiguro nga walay kadaot nga mahitabo samtang gisaulog ang pangilin sa pista.
Sa pikas bahin,dili did-an ni City Mayor Rolando ‘Klarex’ Uy ang pipila sa mga empleyado sa city hall nga maki-debosyon sa kapistahan sa Black Nazarene sa adlaw’ng Huwebes sa buntag.
Kini aron makapadayag usab ang maong mga empleyado sa ilang gitoohan kabahin sa giingong mga milagro nga nahatag sa ‘suffering Christ’ image ngadto sa mitoo niini.
Miingon is Klarex nga dili lang angay magdugay sa simbahan kay daghang mga buluhaton pa ang nagtapun-og sa opisina.
