CAGAYAN DE ORO CITY – Ipatuman ang signal jamming sa komunikasyon sa Iligan City epektibo ning adlawa.
Kini sa pagsiguro nga dili masabotahe ang mga kalihukan sa kapistahan ni Sr San Miguel Arkanghel sa maong syudad sa Setyembre 29 ning tuiga.
Miingon si Iligan City information officer Joe Pantoja nga hinoon walay seryoso nga bahad nga nadawat ang intelligence community aron bulabugon ang fiesta activities sa maong syudad.
Kabahin sa highlights sa kapistahan ang tinuig nga Diyandi Festival diin langkuban sa contigents nga magtigi sa nag-unang kadalanan sa Iligan City.
Apan nahukman ni City Mayor Celso Regencia nga ibutang sa seguro ang syudad aron dili makahigayon ang mga grupo nga dunay tinguha nga gubuton ang kapistahan ilabina nga may mga terorista pa nga nabilin nga nagtagu-tago sa Lanao del Sur.
