CAGAYAN DE ORO CITY – Nakaduso na sa hangyo ang Cagayan de Oro City Police Office o COCPO sa ilang hangyo city government ug National Telecommunication Commission o NTC 10 nga tugtan ang pagpatuman sa signal jamming sa outdoor related fiesta activities sa Cagayan de Oro City sa Agosto ning tuiga.
Kini ang gipalanog ni COCPO spokesperson Lt Col Evan Viñas kabahin sa pagsilbing all system go na sa security implementation plan sa month-long fiesta activities celebration.
Namahayag si Viñas nga nauyunan na kini sa command group sa COCPO rason nga mismo si City Director Col. Salvador Radam ang nagpadala sa maong hangyo alayon sa pagsiguro sa kaluwasan sa kapistahan sa dakbayan.
Ilusad-pormal ang Higalaay Festival sa Rio de Oro Boulevard nga panguluhan ni City Mayor Rolando ‘Klarex’ Uy tinambungan sa pipila ka national government officials sa gabii sa Agosto 2 ning tuiga.
Highlight sa kapistahan sa patron Sr San Agustin sa Agosto 28 ang religious ug fluvial parades samtang abagan usab sa core event activities nga pangunayan pagdumala sa city govt ning tuiga.
