Gusto ni House Minority Leader Marcelino Libanan nga ang P6.793-trillion nga General Appropriations Bill (GAB) nga ipailawom sa sihag ug kasaligan nga pagbahin-bahin sa pondo, aron ang pagsalig sa katawhan sa kamarabaha, manumbalik.
Gihimo ni Libanan ang pahayag, luyo sa daghang mga pagsaway ug mantsa sa imahe nga nadawat sa Kamarabaha, dala sa pipila ka mga magbabalaod nga nalambigit sa lapad nga “corruption scandal” sa flood control projects sa Department of Public Works and Highways (DPWH).
Namahayag ang magbabalaod sa plenaryo nga kinahanglan ang pondo magamit sa hustong paagi aron masiguro nga kini makabenepisyo sa tanan katawhan ug dili lang sa pipila ka sektor.
Una niini, dugay nang gihangyo ni Libanan nga i-realign ang budget aron hatagan sa prayoridad ang mga proyekto sa flood control ug disaster resilience nga maoy nag-unang gipaninggit sa daghang apektadong komunidad gumikan sa grabeng pagbahan ug mga nagsagunson nga pag-igo sa bagyo sa Pilipinas
