CAGAYAN DE ORO CITY – Maminusan na ang mga tigpayuhot sa ilegal nga druga sa Linamon Lanao del Norte.
Nunot kini sa pagkadakop sa usa ka sikad driver nga nailang notoryos drug pusher sa Purok 3 Barangay Magoong, Linamon.
Giila ni Police Captain Randy Pontanes, hepe sa Linamon Municipal Police Station ang suspek nga si Steve Teves, hingkod ang edad ug residente sa maong dapit.
Kuyog sa paglusad sa drug buybust ang mga elementro RDEU -10 field personnel ug RMFB-10 105th company nga gipanguluhan ni Police Captain Ronald Rivel.
Nakuha sa posisyon sa suspek ang usa ka gamay nga plastic sachet ug marked money nga P500.
Atol sa body search, laing usa ka medium sized, ug duha ka gamay nga plastic sachet sa suspected shabu ang nakuha sa iyang posisyon.
Lakip sa gikompiskar sa RDEU ang iyang cellphone nga maoy gigamit sa transaksyon, ug ang motor nga nagsilbi niining getaway vehicle.
Nasikop ang suspek ubos sa presensya ni Magoong Barangay Kapitan Nilo Pajo ug Brgy. Kagawad Edwin Bebora.
