CAGAYAN DE ORO CITY – Panagbikil ang gitumbok nga hinungdan sa kapolisan sa pagpangdunggab nga gikamatay sa usa ka trisikad drayber sa Brgy 39 ning syudad kagabii.
Giila ni Cogon Police Station investigator Police Senior Master Sgt Niel Apollo delas Alas ang biktima nga si Jonas Basalo, 23-anyos, ulitawo ug residente sa Landfill Zayas, Brgy Carmen ning syudad.
Nakaangkon sa samad dinunggaban sa iyang dughan hinungdan sa iyang kamatayon.
Samtang padayon nga gipangita sa kapolisan ang suspek nga si Tino Balidig kinsa dali nga misibat human sa iyang gihimo nga krimen.
Masaligon si De las Alas nga ilang madakpan ang suspetsado sa pinakadaling panahon.
