CAGAYAN DE ORO CITY – Ipasaka sa kapolisan ang kasong pagpanglugos batok sa trisikad drayber nga giingong nanglugos sa iyang ka-boardmate diha sa Lambago, Brgy Lapasan ning syudad.
Giila ang suspek nga si John Paul Carbonilla, hingkod ang panuigon ug residente sa maong dapit.
Sumala sa 27-anyos nga biktima nga si alyas Weng nga gilugos siya sa suspek sulod sa gi-abangan niya nga boarding house human siya makig-inom sa iyang mga higala.
Dugang pa sa biktima nga dugay na nga adunay gusto ang suspek kaniya ilabina nga kanunay kining galantaw sa giabangan niya nga kwarto.
Ang biktima adunay kaipon nga tomboy.
Samtang naghilak nga gipanghimakak sa suspek ang alegasyon nga iyang gilugos ang iyang ka-boardmate sa gi-rentahan nga panimalay ning syudad.
Sumala ni Carbonilla nga walay kamatooran ang alegasyon ni alyas Weng nga iya kining gilugos sulod sa giabangan nga kwarto.
Si Carbonilla miingon nga wala siya kaila sa biktima ug dili usab siya interesado niini.
Gipamugos sa gitudlong suspetsado nga wala siya’y kalabutan sa alegasyon sa biktima.
