CAGAYAN DE ORO CITY – Nasubo pag-ayo ang kabanayan ug kahigalaan sa ilado ingon man sikat nga basketbolista sa gidangatan niini nga kamatayon sa Brgy Luz Banzon,Jasaan,Misamis Oriental sa miaging gabii.
Kini human wala na makauli nga buhi ang Padayon Cup 2025 Most Valuable Player above 26 nga si Noah Edward Sabuero alyas Wawar sa iyang pamilya kay nawad-an sa kontrol ang gimaneho nga motorsiklo nini epekto sa kadanglog sa dalan aky nahiagom sa pag-ulan ang maong lungsod niadtong tungura.
Subay sa imbestigasyon sa kapolisan, nga gikan sa usa ka giapilan nga dulang basketbol sa lungsod sa Claveria ang biktima kuyog ang 19 anyos nga angkas niini dihang nawad-an sa preno ang motorsiklo tungod sa grabeng mani-obra hinungdan nahulog sila sa pangpang.
Gidali pagdala sa pribadong opistal si Wawar apan tungod sa grabeng pagkabun-og ug samad,wala na kini matabang sa mga mi-attender nga mga mananambal.
Hisayrang ilado sa Santa Ana,Tagoloan kay taga-didto ang biktima ayha nagka-pamilya sa Jasaan tungod sa pagkamaayo modula niini sa basketball.(Photo: Municipal Information Office of Tagoloan)
