CAGAYAN DE ORO CITY – Mipanaw sa laing kalibutan ang usa sa mga sikat nga FM disc jockey o DJ nga si Eric Gevero o mas ilado sa iyang radio name nga si ‘Boy Negro’ ning syudad.
Sakay sa motorsiklo ang biktima sa dihang kalit natumba hinungdang dali gitabang aron madala sa ospital.
Apan wala na matabang sa Boy Negro kinsa gitoohan nga gi-atake sa iyang gihambin nga balatian.Si Boy Negro ang taas nga katuigan nga nagsilbing DJ sa FM station sa ABS-CBN nga MOR hangtod nga nagbalik Wild FM sa syudad ning tuiga lamang.
Samtang gisayangan ang nagka-bana nga mga indibidwal nga naglakip sa sakop sa Roads and Traffic Administration o RTA nga wala nila maluwas ang sikat nga disc jockey nga kalit gi-atake sa sakit diha sa Tiano-Recto-Abellanosa Streets ning syudad.
Miingon si RTA enforcer Aljun Juregi nga dali pa nila gidala sa Northern Mindanao Medical Center si Wild FM DJ Boy Negro apan wala na kini panimoot nga naatiman sa mga doktor.
Una nang natumba ang biktima samtang sakay sa motorsiklo samtang padulong kini sa direksyon sa usa ka mall ning syudad kagahapon sa udto.
