Mipatuman sa “silent transfer” ang kaparian ug Ijos sa Hesus Nazareno Church sa rebulto sa Itom nga Nazareno, kagabie. Pagtin-aw kini ni Reverend Father Nathan Lerio, ang Kura Paruko sa simbahan. Mipasabot si Padre Lerio nga wala na magkinahanglan sa mga pag-ampo ang nasampit nga aktibidad kay ang tuyo niini mao ang pagmuntag sa lawas sa Itom nga Nazareno sulod sa St Agustin Metropolitican Cathedral aron misahan ug muliusad sa night vigil. Kaganinang alas 3 sa kadlawon, gipatuman ang PAHALIK, ug nasugdan ang misa sa pagka-alas-4 sa kadlawon. Human sa misa, sugdan gilayon ang traslaccion. Hisayran nga bisan ang mga kaparian, naglaum nga muabot sa kapin libo ang mutambong ning tuiga subay sa ilang na-obserbahan sa gilusad nga pahalik.
Una niini, masaligon ang arkidayosis sa lungsod sa Cagayan de Oro nga mahimong hanutoy ang dagan sa traslaccion kay ilado man ang mga deboto sa syudad nga mga disiplinado, subay sa taas nga panahon nga paglusad sa Traslaccion. Gawas niini, nagtuo ang mga kaparian nga kung duna man kakuli-an, ginagmay lamang kini ug sigurado nga napangandaman na sa Incident Management Team sa syudad.
