CAGAYAN DE ORO CITY – Igo lang gipasugat sa bag-ong tuig ug pugsanong mitaliwan sa laing kalibutan ang 28 anyos nga lalaki nga taga-Lumbia ning syudad.
Kini human dunggaba ang biktima nga si Ariel Aban sa iyang silingan nga igo lang niya gi-apartta nga adunay gikalalis pipila ka oras nga nakalabay ang pagsugat sa bag-ong tuig sa Xavier Ecoville,Brgy Lumbia.
Subay sa impormasyon, adunay gihisgutan ang duruha apan wala damha nga nagkainitay sa estorya hinungdan sa dili maayu nga resultado.Kini ang pinakaunang kaso sa pagpanunggab nga natala sa kapolisan kabahin sa pagsugat sa bag-ong tuig sa dakbayan.
Andamon sa kapolisang kasong kriminal sa silingan nga maoy utok sa kamatayon sa biktima.
Nunot niini,gimando ni COCPO City Director Col Salvador Radam ang dinalian pagsulbad sa kremin aron mahatagan sa hustisya ang gidangan sa biktima.
