Gikalipay ni Janine Querequere, ang silver medalist sa dula nga chess sa Palarong Pambansa 2026, ang madawat niya nga 46,000 pesos nga insentibo human sa iyang kadaugan.
Sa iyang interbyu sa Bombo Radyo, gipadayag ni Querequere nga plano niya nga i-invest ang maong kantidad, ihatag ang uban sa iyang amahan, ug gamiton ang bahin niini alang sa ilang balay.
Dugang pa, gipaambit niya nga gipasaligan niya ang iyang igsoon nga palitan kini og stuff toys tungod sa iyang nakab-ot nga medalya.
Samtang naglantaw sa umaabot, mipasalig ang batan-ong atleta nga padayon lang gihapon siya sa iyang training aron mas mapahait pa ang iyang kahanas sa dula.
Sa katapusan, mipaabot usab siya og kinasingkasing nga pasalamat sa Ginoo alang sa maong kalampusan nga iyang naangkon sa maong kompetisyon
