Dili lang ang Ginoo ug isigkatawo, kon dili apil na ang kinaiyahan, ang gidasig ni St. Augustine Metropolitan Cathedral Rector Rev. Msgr. Raul Ricacho nga angay amigohon sa katawhan taliwala sa pagsaulog sa Higalaay Festival.
Sa iyang pagpahinumdom, gihimug-atan sa pari nga sama sa kinaiya ni St. Augustine, angay nga pangitaon ang Labawng Makagagahom sa kasingkasing aron maipagawas ang labing maayong bahin sa kaugalingon alang sa komunidad.
Dugang pa niya, ang pagpuyo nga mahigalaon sa kinaiyahan dako og ikatabang aron mabalik ang nawalang paraiso nga gihatag sa Tighimo.
Busa karong Higalaay Festival, panawagan sa simbahan nga “we have to be friends to God, to everyone, and to our nature” aron magpabilin ang hapsay nga relasyon sa tanang binuhat
