Gipahinumdoman ni St. Augustine Metropolitan Cathedral Rector Rev. Msgr. Raul Ricacho ang mga kabatan-onan karong panahona nga i-angkla ang ilang kinabuhi sa Ginoo taliwala sa mga hulga sa mental health ug paspas nga pagsulbong sa Artificial Intelligence ug digital age.
Matud pa ni Ricacho, dili gayod mapadpad ang usa ka tawo gikan sa husto nga saway kon ang pundasyon sa kasingkasing nakapundar sa pagtuo ug pagtan-aw sa isigkatawo isip hulagway sa Ginoo.
Gidugang pa sa maong lider sa simbahan nga ang tawo ug ang dignidad niini ang tinuod nga sentro sa tanang kalamboan sa katilingban ug dili ang mga modernong teknolohiya.
Tungod niini, nag-sugyot siya nga pinaagi sa pagdangop ug pagsalig sa gugma sa Dios ayha lamang masulbad ug dili mahimong bug-at nga problema ang mental health sa matag adlaw nga pagkinabuhi.
