Aminado si Rev. Msgr. Nathaniel Lerio sa Nazareno Church nga dili na bag-o ang mga insidente sa pagpangawat sa ilang simbahan tungod kay duna na silay natala nga mga susamang kaso sa pagpanlungkab kaniadto sa mga kuwarto sa mga pari.
Giklaro sa parish priest nga duna na usab silay gibuhat nga mga pag-usab sa seguridad ug estrikto na nilang gi-monitor ang mga hulogan sa mass intentions aron mapugngan ang mga mangingilad sa pagpang pahimulos.
Busa gihangyo niya ang mga sumisimba nga i-diretso na lang sa ilang opisina ang pagsumite sa mga donasyon aron maseguro ang kaluwasan sa ilang mga ihalad.
Samtang giangkon niya nga kinahanglang magbinantayon ang tanan tungod kay kanunayng magpangita og kahigayonan ang mga dautang elemento sulod sa parokya.
