CAGAYAN DE ORO CITY– Babagan sa simbahang katolika ang bisan unsang lakang nga mupabalik sa silot kamatayan o death penalty.
Kini ang gibutyag ni Bro. Wilsom Amad, bise presidente sa Confraternity of the Lay Apologetics, ubos sa Archdiocese of Cagayan de Oro City.
Namahayag si Amad nga walay bisan kinsa nga gobyerno nga mupakgang sa sugo sa Ginoo.
Sama niini, ang pagpatay sa tawo nga sukwahi sa iyang gisugo. Namugos ang grupo ni Amad nga ang kinabuhi bilinhon.
Bisan paman nga nakasala ang tawo, hatagan gihapon kini nga magbag-o.
Nagtoo si Amad nga ang kalagot, pagdumot ug pagpanimalos maoy magtukmod sa tawo nga mupatay sa iyang isigkatawo, inay mupasaylo.
