CAGAYAN DE ORO CITY- llusad sa kapolisan ang simulation exercises kontra pag-atake sa mga terorista diha sa Brgy Lumbia sa syudad ning buntaga.
Kini nunot sa mga nahitabo nga pag-atake sa mga rebeldeng New People’s Army o NPA ug dala nga bahad sa teroristang Maute nga nakabase sa Lanao del Sur.
Gibutyag ni Cagayan de Oro City Police Office o COCPO spokesperson C/Insp Mardy Hortillosa nga himoon kini aron masukod kon unsa kaandam ang mga ahensiya sa gobierno kon ugaling may mahitabo nga pag-atake ang mga terorista sa syudad.
Giawhag lamang ang katawhan nga dili mabalaka samtang himoon ang simulation exercises karong buntaga.
