CAGAYAN DE ORO CITY-Nakompiskar sa militar ang unom ka sako sa mga sensilyo ug lansang gikan sa mga moske nga gitaguan sa nabiling mga terorista sa ‘main battle area’ sa Marawi City.
Namahayag si Col. Romeo Brawner, deputy commander sa Joint Task Force Ranao nga ang mga sensilyo ug lansang maoy gagamiton sa mga terorista isip sharpnels sa ilang gigama nga mga Improvised Explosives Devices o IED’s.
Si Brawner miingon nga nagpakita lamang kini nga walay respito ang mga terorista nga mga moske nga ilang gipangtamnan sa bomba.
Hisayrang nakuha ang maong mga kagamitan mismo sulod sa Moske Bato nga nailog na’g balik sa gobiernong tropa gikan sa mga terorista.
