Target sa grupong Sining Bugkos ang pagparesign kang Presidente Bongbong Marcos ug Vice President Sara Duterte. Miingon si Irish Angeles, miyembro sa Sining Bugkos nga usa ang ilang grupo sa libuang cause oriented group nga musalmot sa Trillion Peso March karong Nobyembre 30, sa managlahing lokasyon sa Pilipinas. Sa interbyu sa BOMBO RADYO, gihingusgan sa grupo nga dili exempted sila Marcos ug Duterte sa kalambigitan sa isyu sa naghitak kurapsyon sa nasud. Gipalanog sa grupo nga silang duha ang mi-aprobar sa mga lista sa proyekto nga wala matuman busa angayan lang nga sila mataral sa hukmanan ug silotan kay bagang ihap sa katawhan ang nag-antos sa ilang pagka-garapal ug pag-abusar sa ilang gahum.
