Gilaumang mag-abri sa dugang kalambuan sa ekonomiya, turismo, sports, ug negosyo ang natigayon nga Sisterhood City Agreement tali sa Cagayan de Oro ug San Juan City.
Gipadayag ni City Information Office Information Officer Jade Adeser nga walay kwarta nga nalambigit sa maong gipirmahang kasabutan kundili ang pagpabaskog sa pakighigalaay ug pagbayloay og mga maayong pamaagi sa pagdumala.
Pinaagi niini, magpadayon ang maong panag-igsuonay sa duha ka dakbayan bisan kinsa pa ang maglingkod nga lider sa umaabot nga mga tuig.
Tungod niini, nagpabilin nga masaligon ang duha ka bahin nga makakopya ug makat-on sa matag usa aron mapalambo ang mga programa alang sa kaayohan sa katawhan
