CAGAYAN DE ORO CITY – Nagtukod na sa Special Investigation Task Group ang mga otoridad aron motutok sa kasong pagpamusil-patay sa pulis sa Anwar Street, Marawi City, Lanao del Sur.
Kini human nakutluan sa kinabuhi si Patrolman Abdul Mojib Ditucalan, 38 anyos dihang gibanhigan sa wala mailang mga suspe, samtang padayon pang nagpaalim sa ospital ang anak niini nga naigo sa ulo.
Una nag gibutyag ni Lanao del Sur Provincial Police Office Director Col Madzghani Mukaram nga pauli na ang biktima dihang nahitabo ang krimen sa Marawi City.
Gitudlo ni Mukaram nga rido ang hinungdan sa pag-ambush patay sa biktima sa miaging adlaw.
