CAGAYAN DE ORO CITY – Nagbaton na sa upat ka persons of interest o POI ang kapolisan kabahin sa pagka-bombahi sa Mindanao State University Mohammad Dimaporo Gymnasium sa Marawi City,Lanao del Sur.
Kini human isulti ni PNP spokesperson Police Col.Jean Fajardo nga dunay dugang duha nga nakit-an sa CCTV camera nga nagsilbing lookout samtang gitanom ang improvised explosive device sulod sa gymnasium diin gihimo ang santos nga misa.
Miingon si Fajardo nga nailhan na ang duha sa maong POIs diin daan nang nalambigit sa unang mga pagpamomba dinhi sa Mindanao.
Tipik sa mga namatay sa gipabuto nga bomba sa grupo sa mga terorista sulod sa gym ang mga magtutudlo nga sila Riza Ramos Daniel, Evangeline Aromin ingon man ang mga tinun-an nga si Janine Arenas ug Junrey Barbante.
Samtang gikonsiderar sa Task Force Oro nga dili luwas batok sa mga pagpangatake sa mga terorista ang katawhan sa dakbayan.Kini ang hinungdan nga 24/7 sila nga nagtukaw kuyog sa kapolisan aron dili makahimo sa pagpanabotahe ang grupo nga unang nagpabuto’g bomba sa Mohammad Dimaporo Gymnasium sa Mindanao State University-Marawi.
Miingon si Task Force Oro Commander Army Col. Warren Munda nga dili angay magkampante ang katawhan kay tsansa lang ang gihulat sa mga terorista aron kini makahimo’g pagpanabotahe.
Hisayrang dako’g tabang ang pagkatukod sa Task Force Oro alang sa katawhan dihang nahitabo ang Marawi Seige sa tuig 2017.
