CAGAYAN DE ORO CITY-Gidepensahan sa SITG-Rotoras ang ilang pahayag nga “case-closed” na ang kasong pagpatay kang late University of Science andTechnology of Southern Philippines President Dr Ricardo Rotoras.
Kini bisan usa lang ka suspek ang nadakpan samtang gawasnon pa ang uban.
Si SITG-Rotoras spokesperson C/Insp Mardi Hortillosa miingon nga adunay gabayan sila nga gisunod sa ilang hanay sa pagdeklara nga “case-closed” na ang usa ka kaso.
Siya miingon nga may napasakaan na sila’g kaso nga mga suspect ug maoy ilang pokus karon ang pagsikop niini.
Hisayran nga gihimong basehan sa SITG sa kasulbaran sa kaso ang pagkasikop sa hired killer nga si Johnreal Gamanay nga taga-Zamboanga del Sur.
