CAGAYAN DE ORO CITY-Gastuhan kon gikinahanglan aron makuha lamang ang testimonya sa contractor sa USTP student center nga maghatag sulbad sa kamatayon ni late Dr Ricardo Rotoras ning syudad.
Kini ang gipakitang interes sa Cagayan de Oro City Police Office nga milangkob sa SITG-Rotoras tungod sa paglugwa ni Engr Selwyn Lao sa publiko.
Gibutyag ni SITG-Rotoras spokesperson C/Insp Mardi Hortillosa nga dako’g tabang ang paggawas ni Lao aron madungangan ang impormasyon sa mga imbestigador sa kaso ni Rotoras.
Una niini,gipasalig ni Lao kinsa presidente sa Wing-An Construction and Devt Corporation nga andam kining mo-kooperar sa imbestigasyon bisan gikabangi niini si Rotoras tungod sa proyekto sa USTP.
