CAGAYAN DE ORO CITY-Namugos ang Special Investigation Task Group -Rotoras nga lig-on ang mga ebedensiya nga
magduot sa kasong illegal possession of firearms ug explosives batok kang detained Architect Rey Galua.
Kini human unang gisikop sa Galua subay sa search warrant operations nga gimando sa korte diin nakuha ang mga granada ug mga armas sa pinuy-anan niini sa Xavier Estates,Brgy Lumbia sa syudad.
Miingon si SITG-Rotoras spokesperson C/Insp Mardi Hortillosa nga mas mubug-at pa ang mahimong atubangon ni Galua ilabina kon mag-match usab ang mga armas nga gigamit sa mga kriminal nga pagpatay kang USTP President Dr Ricardo Rotoras ning syudad sa miaging Disyembre 2017.
Si Galua ang kasamtangang giila sa SITG nga person of interest o POI sa kamatayon ni Rotoras kinsa kauban niya sa USTP sa taas nga panahon.
