CAGAYAN DE ORO CITY-Subli gidani sa Special Investigation Task Group o SITG-Rotoras ang mga tawo nga may kasayuran sa kamatayon ni USTP president Dr Ricardo Rotoras nga moabag sa nagpadayong imbestigasyon.
Partikular nga gitumbok ni SITG -Rotoras spokesperson C/Insp Mardi Hortillosa ang driver sa Nissan Calibre nga maoy nasakyan sa duha ka suspek nga mipusil sa biktima gawas sa pinuy-anan niini sa miaging semana.
Miingon si Hortillosa nga gipasubay na nila sa LTO-10 ang detalye sa maong sakyanan aron mahibaw-an ang driver niini atol sa maong kremin.
Nagtanyag ang syudad ug grupong Mason sa dos punto singko milyon pesos nga ganti alang sa mga tawong makatudlo sa utok ug mipatay kang Rotoras.
Hisayrang si Rotoras ang gipusil sa duha ka suspek diin nakaangkon kini’g walo ka igo pinusilan gamit ang kalibre 45 hinungdan nga dead on arrival nga nahidangat sa ospital sa miaging Disyembre 2 ning tuiga.
