CAGAYAN DE ORO CITY-Gitukod na sa PNP ang Special Investigation Task Group o SITG-Rotoras aron mapadali ang pagsulbad sa kasong pagpatay sa presidente sa University of Science and Technology of Southern Philippines o USTP ning syudad.
Kini human brutal nga gipusil-patay sa duha ka suspek si USTP president Dr Ricardo Roturas, 48 anyos, minyo ug nagpuyo sa Golden Glow North Village, Upper Carmen ning syudad.
Gibutyag ni City Police Director Sr/Supt Robert Roy Bahian nga kuyog sa maong SITG ang CIDG ug NBI aron masuta ang utok sa kremin ug makasuhan sa korte.
