CAGAYAN DE ORO CITY- Anaa pa sa 30 porsyento ang dagan sa kaso sa pagpatay kang Napaliran Brgy Kapitan Claver Miral sa lungsod sa Balingasag Misamis Oriental.
Gibutyag ni Misamis Oriental Provincial Police Office Director Col. Rolando Destura nga may duha na ka person of interest nga gitutukan ang SITG-Miral apan wala una nila kini panganli samtang nagpadayon pa ang pag-imbestigar sa kaso.
Gibutyag ni Destura nga nag-house to house na sila sa pagkuha’g dugang impormasyon sa tuyo nga makakitag tawo nga makatabang pagsulbad sa kamatayon ni Miral.
Una niini,tunga sa milyon ka pesos ang gitanyag ni Misamis Oriental Gov Bambi Emano aron mapdali ang pagsulbad sa pag-ambush kang Miral sa boundary sa Jasaan ug Balingasag niadtong Abril ning tuiga.
