CAGAYAN DE ORO CITY -Bug-at alang sa Special Investigation Task Group o SITG nga dunay kalabutan sa trabaho kon nganong gipusil-patay si late Cogon Police Station commander Capt Abdulcahar Armama sa bisinidad sa ilang balay sa Brgy Bulua ning syudad sa miaging mga semana.
Kini samtang kamulong gitrabaho sa SITG ang pag-enhance sa mga hulagway nga kuha sa CCTV cameras sa mga lugar diin gipanggian ni Armama sa wala pa siya pusila sa motorcycle in tandem suspects.
Miingon si COCPO spokesperson Lt Col Evan Viñas nga dako na ang posibilidad nga dili na molayo sa anggulo kabahin sa trabaho tutok sa imbestigasyon sa SITG kay wala sila’y nakit-an nga laing bug-at nga hinungdan kon nganong gipatay ang biktima.
Naila si Armama sa iyang walay pagpili ug walay pagpabor-pabor sa anti-drugs campaign,anti-gambling operations ug anti-smuggling ubos sa area of responsibility niya sa Cogon Police Station.
