CAGAYAN DE ORO CITY – Gi-pokus na sa SITG-Uy ang ilang imbestigasyon sa kamatayon ni Carmen Kag Roland Sherwin ‘Tawee’ Uy sa quarry dispute o bangi sa negosyo nga unang gipusil mismo sa bunk house niini diha sa Brgy Pagatpat ning syudad.
Kini human unang gimando ni City Mayor Oscar Moreno kang City Police Director Col Aaron Mandia ug Police Regional Office 10 Director Brig Gen Rolando Anduyan ang dinalian nga pagsulbad sa kremin.
Miingon si COCPO ug SITG-Uy spokesperson Maj Evan Vinas nga nakuhaan na nila sa testimonya ang mismong kapikas ni Kag Tawee nga si Rhea Uy kabahin sa mga hitabo sa ilang kinabuhi sa wala pa ang kremin.
Una nang gihangyo sa magtiayong Cagayan de Oro 1st District Rep Roland ‘Klarex’ ug Carmen Punong Brgy Rosemarie Lorna Uy sa mga otoridad nga mahatagan sa dinaliang hustisya ang kamatayon sa ilang anak.
