CAGAYAN DE ORO CITY-Naglihok na ang gitukod nga special investigation task group kon SITG-Perlas aron imbestigaran ang kamatayon ni Dr Dreyfuss Perlas sa Barangay Maranding Annex, Lanao del Norte.
Sa pakighinabi sa Bombo Radyo, gibutyag ni Lanao del Norte provincial director Sr Supt Faro Antonio Olaguera nga dili ti-aw ang gidala nga papel sa biktima ilabina nga usa kini sa “Doctor to the Barrio” ug naka-abot kini sa Lanao del Norte human niya dawata ang hagit nga musalmot sa medical mission labing delikado nga syudad sa Mindanao.
Gitin-aw ni Olaguera nga mututok ang task group sa gika-report nga dunay nakabangi si Perlas sa usa sa mga pasyente niini sa milabay’ng semana.
Hisayrang padulong na mouli ang biktima sakay sa motorsiklo sa dihang gipusil sa mga suspek nga sakay sa pribadong sakyanan diin kini nakaangkon sa samad pinusilan sa likod ug milahos sa tubangan gamit ang kalibre 45 nga armas.
