(Update) CAGAYAN DE ORO CITY – Nagbaton na sa persons of interest ang kapolisan kabahin sa kamatayon sa pito ka sakop sa banay nga pulos taga-Zamboangan Peninsula apan nakit-an ang ilang mga lawas sa lungsod sa Sapad,Lanao del Norte.
Miingon si PRO 10 spokesperson Maj Joann Navarro nga sobra sa napulo ka tawo ang mihimo sa pagpatay mga biktima nga unang nabaniug nga gitanyaga’g trabaho padulong sa Cebu City.
Namahayag si Navarro nga pagdumot ang pinakabug-at nga anggulo nga gitutukan sa gitukod nga Special Investigation Task Group kabahin sa hitabo.
Una nang naila ang mga biktima nga sila Joselito ug Marlyn Gaviola,magtiayon nga pulos nagpuyo sa Zamboanga City ingon man sila Elvi Gaviola ug Epifanio Legara,magtiayon kuyog sa ilang mga anak nga sila Jomar,Jopay ug Epifanio Legara Jr nga gikan usab sa Zamboanga del Sur.
