CAGAYAN DE ORO CITY-May gihuptan nang ebidensya ang Special Investigation Task Group o SITG nga makatabang pagsulbad sa kaso pag-ambush kang Supt Michael John Deloso sa Luna-Capitol Street ning syudad.
Gibutyag ni Cagayan de Oro City Police Office o COCPO spokesperson Supt Mardi Hortillosa nga base sa ebidensya nga ilang nahuptan dako na kinig ikatabang aron matudlo ang responsable sa kremin.
Wala na mohatag pa sa dugang detalye si Hortillosa apan gipaniguro niini nga sa inisyal nga ebidensya mahibal-an usab ang identy sa mga suspek.
Samtang anaa pa sa 20 porsyento ang imbestigasyon sa SITG- Deloso may kalabutan sa pag pag-ambush sa syudad.
Matud ni Cagayan de Oro City Police Office spokesperson Supt Mardi Hortillosa adunay pagkalisod nga maila na ang mga suspek kay nag-bonnet ug nag-helmet kini sa pag-ambush kang Supt Michael John Deloso.
Miingon si Hortillosa nga hawid na sa SITG-Deloso ang inisyal nga duha ka testigo nga nakakita sa kremin.
Gisugdan na’g subay ang CCTV cameras sa mga establisiminto diin miagi ang kolor puti nga sakyanan ni Deloso hangtod gi-ambush sa dalang Capitol-Luna ning syudad sa miaging Martes sa buntag.
