CAGAYAN DE ORO CITY – Nakahupot na’g facial composite ang Special Investigation Task Group o SITG nga nagtutok sa kasong pagpatay kang late Rev.Fr.Rene Regalado sa Brgy Patpat,Malaybalay City,Bukidnon sa miaging Enero ning tuiga.
Kini human nakahupot na’g mga testigo ang SITG nga nakakita sa mga bayhon sa duha sa mga wala ilhing mga suspek nga mipusil-patay sa biktima.
Gibutyag ni Malabalay City Police Station commander Lt Col Jerry Tambis nga daghan pa ang gikinahanglan nila nga angay mahuptan ayha sila hingpit makaduso’g kaso batok sa mga kriminal.
Una nang gipangayo sa Diocese of Malaybalay City sa PNP nga mahataga’g hustisya ang kamatayon sa maong pari.
