CAGAYAN DE ORO CITY-Mismo na ang NBI-10 ang mokaso batok sa mga tawo nga responsable sa kamatayon ni USTP president Dr Ricardo Roturas.
Kini human naglugwa sa direktiba si Justice Sec Vitaliano Aguirre kang NBI regional director Hans Barbosa nga pangunayan ang pagsulbad sa kaso inabagan sa kapolisan sa syudad.
Miingon si COCPO spokesperson C/Insp Mardi Hortillosa nga kon unsa man ang mga ebedensiya nga makuha sa SITG-Rotoras,gilayon kining itugyan sa NBI aron matun-an ug magamit sa pagpalig-on sa kaso.
Si Rotoras kinsa ‘unopposed president’ sa ikaupat nga higayon sa Philippine Association of State Colleges and Universities o PASUC ang gipatay sa duha ka suspek gamit ang kalibre 45 mismo sa tugkaran sa ilang balay sa Golden Glow Village North Subd,Brgy Carmen sa miaging semana.
