Gawas na sa peligro ang mga residente sa palibot sa Costa Brava sa Catalonia Spain human gideklarar sa mga bombero nga stable na ang dakong sunog nga mikabat sa 2,300 ka ektarya sa lasang.
Bisan pa sa pag-igo niini sa pipila ka mga tourist spot, gipamatuod sa mga awtoridad nga wala nay direktang hulga sa maong dapit ug gi-lift na ang “stay-at-home order” alang sa gibana-bana nga 12,000 ka mga tawo sa napulo ka munisipalidad.
Sumala sa mga opisyal sa Catalan fire service, malampuson nilang napugngan ang pagkatap sa kayo bisan pa sa kusog nga hangin nga unang nakapaalarma sa mga residente ug mga turista.
Samtang nagpadayon ang imbestigasyon, gikumpirma sa kapulisan nga usa ka tawo ang gidakop tungod sa pagduda nga nagsugod ang sunog pinaagi sa aksidenteng paggamit og “angle grinder” duol sa dalan.
