Naghupot karon sa bag-ong world record ang usa ka pamilya human nakasurvive ang ilang siyam ka kambal nga gipanganak ni Halima Cisse.
Sumala sa director sa klinika nga si Youssef Alaoui, ahat nga gipanganak pinaagi sa caesarean section ang lima ka babaye ug upat ka lalaki nga nagtimbang gikan sa 500 grams hangtod 1 kilogram matag usa.
Samtang gidugang usab sa amahan sa mga bata nga si Abdelkader Arby nga maayo ang kahimtang sa tanan ug dakong kalipay ang pag-atiman sa iyang mga anak.
Gawas pa niana, gipahayag sa inahan nga si Cisse nga dili sayon ang pagpahigda kanila nga dungganon apan gihigugma gayud nila ang paggakos sa mga bata aron makakatulog.
Sa katapusan, kini ang kauna-unahang higayon sa kasaysayan nga ang siyam ka kambal sa usa ka pagpanganak ang tanan nabuhi, diin nalabwan niini ang record sa walo ka kambal gikan sa United States niadtong 2009.
