CAGAYAN DE ORO CITY – Gikasuhan na ang Sangguniang Kabataan o SK chairman nga nasikop sa drug buy-bust operation sa mga pulis sa Purok 2, Brgy Mibantang, Quezon,Bukidnon.
Giila ang suspek nga si Elfe John Ardon, 24-anyos ug SK chairman sa maong brgy.
Gibutyag ni Quezon Police Station commander Major Mitchell Clemencio nga dugay na nilang target ang maong suspek apan milaylo sa pipila ka bulan.
Sa milabay’ng adlaw, uban sa PDEA malampuson na nilang nasikop ang suspek diin nakumpiska sa posisyon niini ang balor 32-mil pesos sa gituohang shabu.
