CAGAYAN DE ORO CITY – Wala matuki sa committe of the whole ang unod sa reklamo sa babaye nga city scholar nga unang mi-reklamo sa giingong sexual harassment batok kang SK Federation President Kag John Michael Seno sa city council ning syudad kagahapon sa hapon.
Kini human wala magbaton sa kaugalingong abogado ang complainant ug Seno sa pag-atubang niini sa komitiba nga midungog sa reklamo.
Gibutyag ni City Councilor Atty Edgar Cabanlas nga gimanduan niya ang panig ni alyas Ivy ug Seno nga moduso sa judidicial affidavit aron basehan sa imbestigasyon nga ipadayon sa Mayo 21 ning tuiga.
Samtang walay plano nga makig amicable ang pamilya sa babaye nga giingong gipadalha’g law-ay nga mga mensahe ni City SK Federation President John Michael Seno ning syudad.
Gibutyag ni Kag Lordan Suan nga ila usab gikalipay ang pagpakita sa presensya sa complainant uban sa pamilya ug Seno.
Dugang ni Suan nga subling ipahigayon ang imbestigasyon sa Mayo 20 human makapasag tubag ang matag kampo.
