Gipalukapa sa San Miguel Beermen ang Barangay Ginebra sa ilang pagsanka alang sa nagpadayong 49th Season sa PBA Philippine Cup.
Mahinumduman nga bag-uhay pa nakatilaw sa kapildihan ang Beermen sa ilang miaging dula busa ilang subli gipamatud-an nga sila pa gihapon ang hari sa liga.
Kagabie, gipanguluhan sa dominanteng performance nila CJ Perez ug June Mar Fajardo ang Beermen.
Si Perez nakakuha’g 23 puntos, 6 rebounds, 5 assists, ug 2 steals, samtang si Fajardo nakapuntos sa 18, ug 12 rebounds.
Sa first half, nahuptan sa Beermen 25-11 nga abante hangtud sa nalangsan team ang ilang pinakalu-ag nga labaw sa 104-81.
Bisan pa sa paningkamot sa Ginebra nga makabalik pinaagi sa mga three-pointers ni Jamie Malonzo ug Nards Pinto, si Perez padayong nag-una sa sunod-sunod nga iskoring sa Beermen pinaagi sa sunod-sunod nga puntos.
Si Don Trollano, usab, nakahatag sa dakong kontribusyon pinaagi sa iyang 19 puntos, samtang sila Jericho Cruz, Juami Tiongson, ug Marcio Lassiter nakapuntos sa doble-digits. Natapos ang dula, didtto sa Araneta Coliseum sa final score 104-93.
Sa pikas bahin, nasakmit sa Black Water ang ilang unang kadaugan batok North Port sa final score 120-98. Gipanguluhan ni Sedrick Barefield ang team pinagai sa iyang 20 puntos.
