Abante na sa semifinals alang sa nagpadayong 2024 PBA Governors Cup ang San Miguel Beermen human nila gipalukapa ang Converge FiberXers sa final score 109-105.
Nangulo sa kdaugan sa SMB si June Mar Fajardo alang sa ilang do or die game, ug mitala sa 40 points, 24 rebounds, upat ka assists ug ka sa steal sa dula nga gipahigayon sa Ynares Center sa Antipolo.
Midugang sa scoreboard sa SMB ang 23 puntos ug 10 rebounds ni EJ Anosike, samtang 10 points, 9 ka assists ug 6 rebounds kang CJ Perez.
Human sa dula, sobra ang gibating pagkabilib ni Beermen coach Jorge Gallent tungod kay masaligan kaayo si Fajardo ilabina sa mga do-or-die games.
Sunod nga maka-atbang sa Beermen ang sister company sa team – ang Barangay Ginebra, alang sa ilang sa best-of-seven semifinals game nga adlaw’ng Miyerkules sa PhilSport Arena.
