CAGAYAN DE ORO CITY – Pagkompiskar lang apan walay nasulti nga nangadakpan sa anti-smuggling campaign sa hiniusang operasyon batok sa mga naghitak nga mga sigarilyo sa mga tindahan nga nakabase esa Brgy 33 ning syudad.
Kini resulta sa pagsanong sa City Intelligence Unit,Cogon Police Station 2 ubos sa Cagayan de Oro City Police Office ug Regional Mobile Force Batallion 10 sa kasuguan ni PNP chief Gen Rommel Marbil nga pagbungkag sa nagkaylap nga smuggled cigarettes sa nasud.
Namahayag ang Police Regional Office 10 pinaagi sa ilang tigpamaba nga si Police Major Joann Navarro nga subay sa giduso nga impormasyon sa mga operatiba nga nabawi sa operasyon ang 600 ka reams sa nagkadaiyang klase sa smuggled cigarettes sa maong lugar.
Gilayong gisampit nila ang Dept of Trade and Industry 10 alang sa dugang mga lakang sa nabawi nila nga balor 210-mil pesos nga mga pekeng sigarilyo.
Hisayrang sa miaging mga bulan,nakakompiskar ang PRO 10 operatives sa sobra 12 milyones pesos nga balor sa mga sigarilyo nga gipalusot padulong sa Lanao del Norte,Bukidnon, Iligan City ug mismo dinhi sa syudad.
