Nasakmit sa mga awtoridad ang nagkadaiyang brand sa sigarilyo nga mokabat sa 1,250 ka rims human kini gipara sa usa ka checkpoint operation sa Barangay Samburon, Linamon, Lanao del Norte.
Base sa taho sa Police Regional Office 10, ang maong kargamento nga nagkantidad og usa ka milyon ka pesos gisakay sa usa ka Isuzu Elf truck nga walay ipakita nga legal nga dokumento.
Human ang gihimong dokumentasyon ug profiling, pinalaya ang driver ug ang iyang kauban apan gipabilin sa kustodiya sa kapulisan ang trak ug ang mga nakumpiskang kontrabando.
Tungod niini, iturn-over ang mga nasakmit nga sigarilyo ngadto sa Bureau of Customs aron ipatuman ang kaukulang disposisyon.
Samtang nagpadayon ang higpit nga pagbantay sa kapulisan sa probinsya aron masiguro nga mapugngan ang pagpasulod sa susamang ilegal nga kargamento.
