Dili kailangang mabalaka ang nasud sa pag-angkon sa mga Chinese scholar nga ang bahin sa Batanes ilang territoryo, matod pa ni kanhi Cagayan de Oro City Mayor Atty. Constantino Tinnex Jaraula.
Sa usa ka interbyu sa Bombo Radyo gipadayag sa kanhi mayor nga angayang ipakita sa matag usa ang kalig-dong ug kahusay sa pagbarog alang sa mga intereses sa nasod labi na ning panahona nga adunay mga langyaw nga nagtinguha sa atong teritoryo.
Giklaro usab ni Atty. Jaraula nga dili angayang magpa-tarantar ang katawhan tungod kay ana-a ang Estados Unidos ug ang United Nations nga andam molaban sa katungod sa Pilipinas.
Busa, ang panawagan sa maong abogado mao ang pagbaton og lig-ong baroganan ug pag-amuma sa atong nasodnong integridad aron mapanalipdan ang soberanya sa nasod.
