CAGAYAN DE ORO CITY – Naghulat alang sa mga aplikante’g trabaho ang sobra 2-mil ka bakanteng posisyon alang sa 2022 Kalayaan job fair nga tambungan sa sobra 50 ka kompanya diha sa Limketkai Mall ning syudad sa Hunyo 12.
Kini alayon sa ika-124 nga tuig kasumaran sa kaugalingnan sa nasud-Pilipinhon ning tuiga.
Gibutyag ni DOLE 10 Technical Director 2 Antheneus Vasallo nga anaa sa sobra mil- 900 ka local vacant work positions ug dul-an 700 usab ka overseas vacancies ang mahimo nga aplayan sa mga aplikante.
Giawhag sa opisyal kadtong mga intresado nga dad-on ang ilang credentials ug mismong kaugalingon alang sa maong kalihukan sa adlaw’ng Domingo.
