CAGAYAN DE ORO CITY – Misaka pa sa 34 ka pamilya o 166 ka indibidiwal ang apektado sa pagkasunog sa sobra 20 ka balay diin 16 ang hurot ka ugdaw diha sa Accreation area,Brgy Macabalan ning syudad.
Miingon si Macabalan Brgy Kap Norbel Saa nga anaa sa 7 milyon pesos ang balor sa personal nga kagamitan sa mga residente ang nadamyos gumikan sa hitabo.
Siya miingon nga nagkinahanglan pa gihapon ang mga biktima sa nagkadaiyang tabang kay limitado lamang ang pondo sa syudad ug brgy aron sa tubag sa mga panginahanglan.
Hisayrang temporaryo nga gipahimutang ang mga biktima sa Macabalan Elementary School sa maong brgy sugod kagahapon sa hapon.
