CAGAYAN DE ORO CITY – Gi-hold sa kapolisan ang kapin 300 ka indibidwal human masapon sulod sa sabungan sa Mandangoa, Balingasag,Misamis Oriental.
Segun sa report, gi-lecturan ang mga nasapon cock pit area kabahin sa IATF resolution no. 154 nga nagmando nga gidili ang pagpahigayon sa sabong nga misupak sa giya sa minimum public health standards.
Gitin-aw sa kapolisan nga wala sila makadawat sa dokumento nga magpamatuod nga gitagaan sa permiso nga mulusad sa sabong gikan sa LGU ang mga nag-organisar sa maong kalihukan.
Kini pa ang pinaka-unang higayon nga dul-an 500 ang ihap sa mga tawong nasanta sa MisOr PNP sulod sa usa ka adlaw tungod sa ilegal nga kalihukan sama sa sabong.
Lakip sa gidakop ang mismong tag-iya sa cock pit arena nga magtiayong Solde.
Hisayran nga samtang nahitabo ang raid, tulo ka minors ang anaa sa area nga nag-edad 1,2 ug ang gibitbit nga lima ka bulan nga puya.
