CAGAYAN DE ORO CITY – Dili matukib ang kalipay sa mga tag-iya sa tricabs o bao-bao nga unang gipangdakop sa mga sakop sa Roads and Traffic Administration o RTA ning syuad sa miaging mga bulan.
Kini human nagpatigbabaw ang sobrang kalooy ug pagsabot ni City Mayor Rolando ‘Klarex’ Uy rason nga gibalik na ang maong tricab units sa mga tag-iya niini nga libre na sa storage fee.
Gihimo ang pagtugyan balik sa mga bao-bao mismo sa panagtagbo sa mayor kuyog ang sobra 300 ka tag-iya niini sulod sa city tourism hall kaganihang adlawan.
Dungan sa paghatag balik sa maong tricab units,mihangyo ang mayor nga dili na sublion ang paglabas sa balaod bisan kon panginabuhi ang nag-unang tuyo niini.
Kini tungod kay seguridad pa gyud gihapon sa mga pasahero ang nag-unang katuyuan kon nganong hugtanon kining gidili pagpadagan sa mga nag-unang kadalanan sa syudad.
Dumduman nga daan nang gibawal sa Department of Interior and Local Governance ang mga bao-bao sa national highway ug gisunod lamang kini sa liderato sa mayor sa dakbayan.
